مافقدتك

موضوع: مافقدتك الإثنين نوفمبر 21, 2011 9:23 am

[center]ما فقدتك

لا ما فقدتك .. وإنشد اللي نشدني
عنّك ، ويعطيك العلوم الأكيده
أنا أفقد اللي في غيابي فقدني
... ... ولاّ الردي .. لا غاب ما هو فقيده
اللي ليا منّه بغاني وجدني
لو بيني وبينه مسافه بعيده
واللي ليا منّه وعدني .. وعدني
ماهو مثل شرواك يخلف وعيده
هذاك .. من دون المخاليق يدني
منّي .. وأنا أقرب من دِماه لوريده
"الغالي" .. بدفتر غلاه أعتمدني
وأنا اعتمدته نبض قلبي وسيده
إليا تبادلنا الغلا قال : زدني
وأقول : تبشر في غلاي ومزيده
وإليا عطيته حاجته ماجحدني
و ردّ العطايا ضِعْف ما كنت أريده
وإليا ضما من جور وقته وردني
وأرويه من نبع الحياة الرغيده
وإن شاف خيري في يدي .. ما حسدني
وقال : الله يبارك عطاه ويزيده
وإن ضاقت الدنيا وهمّي هجدني
عيدي لقاه .. وشوفتي يوم عيده
وإن زادت آلامي وجرحي لهدني
هذي وهذي .. طِبّها لمسة ايده
يوم أستفدته بالهوى واستفدني
وشكّلت أنا ويّاه جمله مُفيده
لا فعله أغضبني .. وقوله نقدني
قوله وفعله يرفعن من رصيده
صَمْ المسامع عن حكي من قصدني
وأعمى عيوني عن هوى كل غيده
والصاحب اللي من قبل رفْع ردني
فزع لي بوجه الظروف العنيده
أنا على خبره مثل ما عهدني
ومقداره أكبر من حروف القصيده
والصاحب اللي بالرخا ما سندني
ما هو بساندني بوقت الشديده
منقووووووول

[/center]

موضوع: رد: مافقدتك الإثنين نوفمبر 21, 2011 8:58 pm

كلمات معبرة ورائعة

سلمت الأيادي

اختاه نثرات قلم

موضوع: رد: مافقدتك الإثنين نوفمبر 21, 2011 10:27 pm

لو بيني وبينه مسافه بعيده
واللي ليا منّه وعدني .. وعدني
ماهو مثل شرواك يخلف وعيده
هذاك .. من دون المخاليق يدني
منّي .. وأنا أقرب من دِماه لوريده
"الغالي" .. بدفتر غلاه أعتمدني
وأنا اعتمدته نبض قلبي وسيده
إليا تبادلنا الغلا قال : زدني
وأقول : تبشر في غلاي ومزيده

قصيدة في قمة الإبداع

للشاعر السعودي محمد الذرعي

شكرا لك اختي الكريمة

على اختيارك المميز

تحياتي