سكت القلم خلاص

سكت القلم خلاص ومش عاوز يكتب

معدناش عارفين مين الصادق ومن الي بيكدب

لما الأخ يقتل أخوه

لما الابن بلعن أبوه

يبقي مين الي هيكسب

دمك يامصري رخيص زي الكتب ع الرصيف

بره مفيش حد بيسأل

وجوه مين الي هيسأل

وكله انهارده بيسأل

لما الثورة تبقي فورة

والشهيد مش شهيد

والسعيد مش سعيد

والبعيد مش بعيد

وهتافنا تعيشي يا مصر حرة

هي حرة والا مش حرة ؟؟؟

والي بره جوة وألا بره

والي جوة ثورة والا عاوزة ثورة

سكت القلم خلاص

واحنا بنستني الخلاص

هو في أمل وألا الأمل خلاص

يامصر عدي متزعليش

يا بلدي كوني مترجعيش

عدي يامصر الحزن عدي

ومدي الخطي مدي

وعن الي فات متسأليش

ولا تحزنيش ولا تركعيش

ولا تسمعيش يا مصر غير الآدان

الله أكبر يامصر لازم تكوني في امان

الله أكبر علي الظلم والطغيان

الله أكبر علي الخاين والجبان

الله أكبر يا بلدي في كل آدان ------------------عابر يبحث عن سبيل

كلمات تعزف على أوتار الحزن والغضب والكتمان ................
حروف تقطر بدماء من كل مكان وزمان ...........
عبرات تختنق ولا تجد لها من مجرى أو اوان .............ولا زلنا نسأل ونسأل وعروقنا تتفجر بدماء فجرتها الأحزان........

قلمي قد جف وكلماتي قد تاهت وحروفي قد صمتت ...........ولم يبق لي سوى نبض يعلن الحياه رغم انوف كل ملوك الظلم والطغيان...............

كلماتك رائعه وحروفك لامعه اخي الكريم ............
تحياتي

نسأل الله لمصر الحبيبه الأمن والأمان ولسائر بلاد المسلمين

كل الشكر يافاضلي لك ولقلمك