مِــش وِلادِى .....! ( للطبيب الشاعر / د. محمد رزق ) .

مِــش وِلادِى .....!
***
من كلمات
**
الطبيب الشاعر / د. محمد رزق
*
*
*

بَـعـد مِـيـت مِـلـيون مُـصـيـبَـة ،

قـَرَّبـِت مِ الـخـوف تِـمـوت ..؛

صَـرَّخِـت مَـصـر الـحَـبـيـبَـة ،

قـَطـَّعِـت تــوب الـسِّــكوت ...!

مِ الـنـَّـهاردَة .....،

مِ الـسَّـاعـادِى .....،

كـُلـّـهُـم دُول مِـش وِلادِى ...!

*

اللى حارِق ، واللى سارِق ،

واللى حـايـِل ، واللى شـايـِل ،

واللى غـافِـل ، واللى قـافِـل ،

واللى حاكِـم ، واللى عاكِـم ،

واللى فاتِـل ، واللى قاتـِل ،

واللى شـايـِل بُـنـدُقِـيـَّة ،

واللى حادِف طـوب عَـلـَيـَّا ،

واللى بـِيـكـَسَّــر جـِناحِـى ،

واللى بـايـِع لِـلقـَضِـيـَّة ،

واللى بـِيـضـَلـِّم صَـبـاحِـى ،

واللى بـِيـخـَزَّق عِـنـَيَّـا ؛

واللى دايـِـر فى الـرَّحايَـة ..

بـين فِـصول الـمَسـرَحِـيـَّة ؛

كـُلِّ دول بـِيعَـذ ِّبـونِـى ...؛

كـُلـُّـهُـم جارحـين فـؤادِى ...

وبـإيـديـهُـم خـَرَّبـونِـى ...،

شـَــمـِّتـوا فِـيَّـا الأعادِى ..،

مِ الـنـَّـهاردَة .....،

مِ الـسَّـاعـادِى .....،

كـُلـّـهُـم دُول مِـش وِلادِى ...!

*

غـَرَّبـونِـى رَغـم إنـِّـى ؛

عَ الـوِصال عَـوِّدتـهُـم ..!؛

قـَطـَّعـونِـى رَغـم إنـِّـى ؛

مِ الـبـِعـاد لـَمـلِـمـتـهُـم ..!؛

بَـهـدِلـونِـى ، قـالـوا إنـِّـى ؛

مِـن زمان جَـوَّعـتـهُـم ..!؛

كـَدِّبـونى ، غـَصـب عَـنـِّـى ،

فى الـخِـداع صَـدَّقـتـهُـم ..!؛

عَـذ ِّبـونِـى ، نِـسـيـوا إنـِّـى ،

فى الـحَـقـيـقـَة أمُّـهـُم ..!؛

بَـس انـا حَ ارجَـع واغـَنـِّـى ،

غـَصـب عَـنـهُـم كـُلـّهُـم ...!

*

مِـن زَمان والكـُلِّ سـاكِـن جـوَّا قـَلـبـِى ؛

والأسَــى جُـوَّايـا سـاكِـت ..، مِـســتـَخـَبـِّى ؛

كـُلِّ مـايـزيـدوا ف جَـفـاهُـم ..، كـُنـتَ اخـَبـِّـى ؛!

والـحَـقـيـقـَة الـمُـرَّة بـانِـت فى الـنـِّهايَـة ..؛!

إن انـا ماعـرِفـت ارَبـِّــى ...!

*

الفاهرة فى يوم

السبت 17 ديسمبر 2011

*

مِــش وِلادِى .....! ( للطبيب الشاعر / د. محمد رزق ) . Photo-0179

http://elshaereltabib.blogspot.com/
*

احساس صعب ومرير... للوطن الذي يشعر بالضيق والحسرة

يابى ان يغمض عينيه التي اغرورقت بالدموع

احساس مؤلم عندما يحاولون اغتيال

احلامه بين ضجيج وضخب خَلف سِتار مُؤامرةٍ وَمَسرحيَّه

توصد امامك ابواب التعبير

وتبعثر احلام امة تحت اقدام الغرور والانانية

فيختنق الصوت وتحترق الافئدة وتطالع كل الوجوه فتجدها

جاحدة ناكرة وتسدل ستار الصمت والهوان

احساس مرير وحرقة بالحلق تابى الا ان تقفز في شموخ حروفك

استادنا الكريم محمد رزق

تقبل مروري

كلمات جد مؤثرة تعبر عن الأوضاع المؤسفة التي وصلت اليها مصر

سلمت اناملك اخي الكريم للطبيب الشاعر / د. محمد رزق

لك كل التقدير والإحترام

» حَـــــالِـة سَــــــــــــــــلام ...! ( للطبيب الشاعر / د. محمد رزق ) .
» عَــشــــــــان بَـاحـلـَـــــــــــــــــم ...! ( للطبيب الشاعر / د. محمد رزق ).
» يـانـَفــس تـــــــــــــــــــــــــوبى ... ( للطبيب الشاعر / د. محمد رزق ) .
» مَـوكِـــب نـــــــــــــــــــــور ... ( للطبيب الشاعر / د. محمد رزق ) ..
» أصــحـاب الـمَكـــان ...! ( للطبيب الشاعر / د. محمد رزق ) .