أصــحـاب الـمَكـــان ...! ( للطبيب الشاعر / د. محمد رزق ) .

أصـــــــــــــحاب المكـــــــــان ...!
***
من كلمات
**
الطبيب الشاعر / د. محمد رزق
*
*
*

يـِمكِـن يكون طـَعم الـوَجَـع ..

هُـوَّا اللى باقِـى مِـنـِّنا ،

بـِيضـُمِّـنا ،

ويـلِـمِّـنا ؛ وَيَّـا الـسُّـكات ...

والـذ ِّكـرَيات ..؛

تِـعـبُـر مَـوانِـى عُـمرِنا ..!

مِـتـغـَرَّبــين ..؛

لـَكِن فى لـَحظـَة بـنِـلـتِـقِـى ،

مِـش فى الـطـَّريـق ..!

لِـسَّـه الـبَـرئ ؛

ساجـِن مَـلامِـح قِـصِّـتـُه جـوَّا الـسـنـين ..؛

ياهَـلـتـَرَى هَـتصَـدَّقـوه ؟،

ساعِة مايـِكـشِــف أنــِّتـُه ..،

ياهَـلـتـَرَى هَـتـسَـنــِّدوه ؟،

وَيَّـاكـوا تِـقـدَر خـَطـوِتـُه ..؛

تـعـبُـرسـنـين الحُـزن وتحِـس الـبَـراح ..!

والـرَّب واحِـد مِ الـبـِدايَـة ، والـحَـكـَم ..؛

هـوَّا الـرَّؤوف ،

والـعـَدِّ ( واحِـد ) مِـش بـِدايَـة ، مِـش رَقـَـم ..!؛

مِـش مِ الحـروف ،

لـَكِـنـُّه خـــــــــــوف ... الـطـَيـِّـبـين لـَـو يـِبـتِــدوا ..؛

ويـرَدِّدوا نـَفـس الكلام اللى انكـَتـَب ،

جـوَّا الجَـريـدَة نـَفـسَــها ،

أيَّـام ما كانِـت تِـتـنِـشِــر تـَحت الـَّرصيف ..!

مِـن ألـف صــــــيـف ،

واقِـف هِـنا بـِيضـُمـِّنِى ..

نـَفـس الكلام جـوَّا الـشـِّـتا ..؛

ويهـِزِّنِى نـَفـس الـنـَّـغـَم ،

والـفـَرحَة كانِـت تِـبـتِـدِى ؛

تِـقـلِـب بـِغـَـم ..!

سـيـبَـك ياعَـمِّ ...؛ وبُـصِّـلِـى ،

وافـتـَح عـيـونـَك عَ الـبَـشـَر جـوَّا الـمـيدان ..!

مِـتـرَصَّـصـين فـوق بـَعـضـهُـم ،

بـِيـضـُمُّـهُـم ؛

نـَفـس الـمَـكان ..

اللى اتـوَلـَد فـيه حِـلـمهُـم ،

بَـس اتـوَأد قـَبل الأوان ..!؛

وبـيـِهـتِـفـوا ،

نـَفـس الـكلام اللى انكـَتـَب

جـوَّا الـقـَصـيـدَة مِـن زَمَـن ..؛

وبـيـِدفـَعـوا نـَفـس الـتـَّمَـن ..

مِـن دَمُّـهُـم ..!؛

مِـن غـُلـبـِنا جـوَّا الـطـَّابـور ..؛

زَىِّ الـطـِّـيور ..!؛

لـَو يـِتـهـِدِم يـوم عِـشـَّـها ،

تِـزعَـل قـَوى مِـش عَ الـمَـكان ..!؛

تِـزعَـل عَـشـان ضاع قـَـشـَّـها ..!؛

هـوَّا اللى كانِـت فى الـشـِّـتا بـتِـتـغـَطـَّى بـيه ..؛

والـسِّـرِّ إيــه ؟،

مـين اللى عارِف سِــرِّهـُم ؟ ،

مـين اللى هـادِم عِـشـِّـهُـم ؟،

مـين اللى قـادِر بـِالـحَـقـيـقـَة يـلِـمِّـهُـم ؟،

عَ الـمُـسـتـَحـيل ..؟!

والألــف مِـيل ..

تِـبـدأ بـِطـيـبـِة قـَلـبـهُـم ..!

بَـس الحِكايَـة مِـش كِـدا !!

أصـل الحِكايَـة إنـِّهـُم ..؛

لـَمَّـا ابـتـَدا الـعـالـَم يـضـيـق ،

فـَضـُّوا الـطـريـق مِـن حِـلـمـهُـم ..؛

مات الكلام اللى انكـَتـَب جـوَّا الـسـنـين ،

مِـتعَـلـَّقـين ..؛ فـوق الـمَـشـانِـق كـُلـهُـم

أمَّا اللى كانـوا مِـن زَمَـن بـِيحَـكـِّـموا ،

وبـيـِحكـُموا عَ الخـَلق بـِالـموت الـبَـطئ !؛

الـقاضِى واقِـف جَـنـبـُهُـم ،

فـارِد إيـديه ماسِـك قـَـلـَم ..؛

مـين اللى شاعِـر بـِالألـَـم ؟،

والكِـلـمِـتـين اللى اتـقـَـروا جـوَّا الكِـتاب ،

مِـتـعَـتـِّمـين زَى الـقـبور الـمُـظـلِـمَة ،

لِـسَّـه الوِشــوش مِـتـلـَتـِّـمَة ،

بَـسِّ الـقـلوب مِـتـعَـشـِّـمَة ..!؛

تحصُد رِقاب الـظـُّـلـم وتـبـيع الحَصاد ،

رَغـم الـمَلامَة والألــَم ، رَغـم الـفـَسـاد ،

رَغـم اللى باعـوا حِـلـمهُـم ، رَغـم الكـَسـاد ؛

بـِيـدَوَّروا عَ الـحُب يـِمكِـن يـِلـتِـقــوه ،

أو يـِعـرَفــوه ..،

وِسـط الـمَـتاهَـة والـقـَلــَق ، بُـسـتان أمـان ..

وبـيـِكـتِـبوا إعلان كـبـير جـوَّا الـمـيدان ...!

إن احـنا رَغـم الـمَـهـزَلــَة ، والـبَـهـدَلـَة ،

وكـُل اللى كــــــان ..؛

فى الأصل أصحاب الـمكـــــــان ...

***

القاهرة فى يوم
السبت 10 ديسمبر 2011

*

أصــحـاب الـمَكـــان ...! ( للطبيب الشاعر / د. محمد رزق ) . Get-2-2011-hax00n3h

هكذا كانت الثورة فى بدايتها ،

ولهذا انتصرت ..؛

وهكذا أتمنى أن تستمر ،

ليكتمل النصر بإذن الله ..

*

إن احـنا رَغـم الـمَـهـزَلــَة ، والـبَـهـدَلـَة ،

وكـُل اللى كــــــان ..؛

فى الأصل أصحاب الـمكـــــــان ...

ورب العباد ويا العباد وان شاء الله منصورين
هيه صحيح لحظة عبور صعبه
لكن هتعدى وهنتحمل الضربه
ومش هنسيب المكان
لاننا فى الصل زى ماقولت

فى الأصل أصحاب الـمكـــــــان ...

دائما كلماتك معبرة رااااائعه
تحياتى