نِحـاسِــــــب مـين ...؟! ( للطبيب الشاعر / د. محمد رزق ) ..

نِحـاسِــــــب مـين ...؟!

***

من كلمات

**

الطبيب الشاعر / د. محمد رزق

*

*

*

قـَنابـِل موت بـِتـِرمـيها ،

عَـلى إبنى اللى كان واقِـف ،

ومِـتـلـَـتـِّم عَـشـــان مَـخـنوق ...!

وضاع مِـنـُّـه الأمَـل لـَمَّـا ،

لـَقاكِـى بـتـرفـُضى حِـلـمُـه ،

وتِـتعـالِـــى ..؛

وقـال فى الـسِّــرِّ مَـوَّالـِى ،

وجـُوَّا الهـُوجَـة ســال دَمُّـه ؛

وكان هَـمُّـه ،

يـشـوف الـصُّـبح بـِيـشـَـقـشـَـق ،

ولـيل الـظـُّلـم يـتـبَـدِّل ،

وتِـتعَـدِّل ؛ ويـيجى شــروق ...!

ونِـسـأل مـين عَـنِ الـحاصِـل ؟ ،

ومـين واصِـل ؟ ،

ومـين حَ يـضـيع ..؟!

ومـين وِسـط الألـوف شـايـِف ؟ ،

ومـين خايـِف ؟ ،

ومـين حَ يـبـيع ..؟!

ونِـقـتِـل مـين ..؟!

إذا كان الـقـَتـيل إبـنِـى ،

وكان مَـقـتول بـِإيـد عَـمُّـه ..؟!

نِـحـاسِــب مـين ..؟!

ومـين يـِقـدَر يـِقـايـِضـنِـى ،

عَـلى دَمِّـى اللى كان سـايـِل ..

مَـكان دَمُّــه ..؟،

نِـحـاسِــب مـين ..؟!

عَـلى فِـكـرى اللى كان شـاطِـح ،

وكان مَـخـدوع ؟،

نِـحـاسِــب مـين ..؟!

عَـلى قـَلـبى اللى كان عاشِـق ،

ومـات مَـوجـوع ؟،

وانــا الـمَـكلـــوم ..!؛

ومِـن ظـُلـمِـك ، بـِتـِبـكـيـنى ..!

ومـين مِـنـِّك هَـيـِحـمـيـنى ..؟!

ولـيه دايـماً بـِتاخـديـنى ..؟

فِ سِـكـِّة هُـوجَـة تِـأسِـرنِـى ؛

وتِـقـتِـلـنـى ، بـِـإيـد أخـِّـين ..؟!

وبـيـنـهُـم نـاس تِـشـَعـلِــلها ،

تِـمَـيـِّـلها عَـلى الـصَّـفـِّـين ..!

ونـاس تِـصـرُخ إذا شـافِـت ؟،

فِـلـول بـِتـشـُـقِّ سِـكـِّـتها ،

وكِـلـمِـتها .. عَـصا وسِـكـِّين ..؟!

وناس بـِتـرُدِّ بـِالـمَـدفـَع ،

رُصاص مَـطـَّاط وقـُنـبـِلـتـيـن ..؟!

ووِسـط الـهـوجَـة نـاس تـانـيـين ..

تِـحَـجـِّـز بـين صـفـوفِ الـدَّمِّ ،

وِتـلـَمـلـِم شـَتايـِـتها ،

وتِـفـرِش سِـكـِّةِ الـعُـودَة

جـِـتـَـت مَـعـروف هَـوِيـِّـتها ،

ومَـصـريــــين ..!

***

القاهرة فى يوم

الخميس 24 نوفمبر 2011

*

الطبيب الشاعر
عارفه الاحساس بالظلم مر
ا
لاحساس بالقهر أمر

وتضيع منى حياتى صعب وهحاسب مين؟؟؟؟؟؟

لكن خلاص

النور هيبان

بان من الميدان

لما وقفنا كلنا ضد الجبان

افرح يا شهيد

المصرى النهارده سعيد

المصرى بيبدأ من جديد

وبيكتب التاريخ

ومش مهم دلوقتى أكيد أكيد

المسامح هوه الشهيييييييييد

بلادى
يارب
بلادى
يااااااااااااااااااااااااااااااااارب

» عَــشــــــــان بَـاحـلـَـــــــــــــــــم ...! ( للطبيب الشاعر / د. محمد رزق ).
» يـانـَفــس تـــــــــــــــــــــــــوبى ... ( للطبيب الشاعر / د. محمد رزق ) .
» مَـوكِـــب نـــــــــــــــــــــور ... ( للطبيب الشاعر / د. محمد رزق ) ..
» حَـــــالِـة سَــــــــــــــــلام ...! ( للطبيب الشاعر / د. محمد رزق ) .
» مُـحـال يـامَـصــــــر حَ نـســـــــيـبـِـك ..! ( للطبيب الشاعر / د. محمد رزق ) .