زوجتى العزيزة

موضوع: زوجتى العزيزة السبت يوليو 16, 2011 7:47 pm

اتنين متجوزين من عشرين سنة .. قرروا يروحوا يصيفوا عالبحر

بنفس الفندق اللى قضوا فيه شهر العسل زمان

لكن الزوجة كانت مشغولة فاتفقت مع زوجها على إنه يسافر لوحده

و هى ها تحصله بعد يومين

وصل الزوج الفندق و دخل الغرفة فوجد كمبيوتر بالغرفة و متوصل بكابل الانترنت فقام يبعت ايميل لزوجته يطمئنها فيه على أحواله

بعد ماكتب الرسالة وهو بيكتب عنوان البريد الالكترونى لزوجته أخطأ فى كتابة حرف فى العنوان......و بالطبع راح الايميل لشخص تانى

تصادف إنه كان لأرملة لسة راجعة من مراسم دفن زوجها اللى توفاه الله بنفس
اليوم... الست الأرملة فتحت الكمبيوتر بتاعها لتقرأ ايميلات التعازى وقعت
عالأرض مغمى عليها لحظة دخول ابنها اللى حاول يسعفها بكل الطرق و لم يفلح
فى إفاقتها

نظر الابن إلى كمبيوتر والدته و قرأ الرسالة التالية:

زوجتى العزيزة .. وصلت بخير ..

و يمكن تتفاجئى لأنك ح تعرفى أخبارى عن طريق الانترنت

لأنه دلوقتى بقى فيه كمبيوتر عندهم

والواحد يقدر يبعت أخباره لأهله و أحبابه يوم بيوم

أنا بقى لى ساعة واصل

و تأكدت إنهم جهزوا المكان و كل شىء تمام

و مش باقى غير وصولك لعندى هنا بعد يومين

إشتقت لك قوي و مشتاق أشوفك

و باتمنى تكون رحلة سريعة زى رحلتى

ملاحظة: مش ضرورى تجيبى ملابس كتيرة معاكى

لأن الحر هنا شديد قوى................ جهنم !!!

مع تحياااااااااتي